Tekjufallsstyrkir, sem ætlaðir voru litlum fyrirtækjum og einyrkjum opnir fyrir alla!

Nú í endann nóvember munu mörg fyrirtæki fara á gapastokkinn, fjölda-eignaupptaka mun eiga sér stað. Lán sem að fóru í frystingu i marz síðastliðinn, duttu inn aftur í byrjun október og bankarnir fengu frjálsar hendur með hvað gera ætti við þessa skuldara. 

Ennþá eru úrræði Ríkisstjórnarinnar á hraða snigilsins, ennþá er verið að föndra saman leiðir, ennþá verða minnstu rekstraraðilarnir í ferðaþjónustunni fyrir barðinu á þessari bið, sem mun kosta marga allt. 

Útlit er fyrir að þeir fjármunir sem ætlaðir eru í væntanlega tekjufalls-styrki fara að mestu í vasa þeirra sem ekki flokkast sem litlir rekstraaðilar, þar sem að ekkert þak er á hversu stórt fyrirtækið er, né er neitt þak á ársveltu fyrirtækisins. Því munu fyrirtæki sem hafa kannski 200 starfsmenn, geta sótt um tekjufalls-styrki fyrir allt að 5 starfsmenn, hafi fyrirtækið orðið fyrir því að velta hafi minnkað milli ára, allt að 40%. 

Þar sem að fjármunir þeir sem að ætlað er í þessa styrki eru takmarkaðir, þá munu örugglega færri fá en þurfa og líkur á að það verði þeir sem að minnst hafa, eins og virðist tíðkast svo gjarnan á okkar ástkæra landi. 

Lítil fyrirtæki og einyrkjar gerðu ákall um að á þá yrði hlustað, að skjótt yrði gripið til aðgerða, en þetta óp virðist hljóma eins og aumlegt væl í eyrum þeirra sem hafa afdrif almennings í sínum höndum. Ekki verður opnað fyrr en í desember fyrir umsóknir um tekjufalls-styrki, það passar, því að þá verður búið að keyra nokkra vel útvalda í gjaldþrot. Síðan taka menn sér allt að tvo mánuði til að afgreiða þessi mál, því að vissulega þurfa þau að halda jólin og fá gott frí, í það minnsta tvær vikur, til að safna kröftum í þessi krefjandi verkefni. Ekki er búið að hanna viðspyrnu-styrkina, ætli þeir verði tilbúnir til umsóknar undir vorið 2021?

Þetta eru staðreyndir, en ekki finnst samt Ríkisstjórninni nein þörf á að koma þessum aðilum í skuldaskjól og beina tilmælum sínum til fjármálafyrirtækja að frysta áframhaldandi skuldir þessara fyrirtækja, meðan verið er að vinna í þeirra málum. Einkennileg afstaða, verð ég að segja, eða kannski ekki. Kannski er það stefnan að keyra sem flesta í þrot, þá þarf ekki að styðja við þau fyrirtæki, þau eru ekki lengur til.

Síðan er það önnur saga hvernig þessir styrkir líta út;

Þetta segir  Bjarni Ben í viðtali 16 okt 2020.

„Eins og áður segir er frumvarpinu ætlað að aðstoða einyrkja og litla rekstraraðila sem hafa orðið fyrir verulegum tekjumissi og er liður í aðgerðum ríkisstjórnarinnar til að draga úr tjóni vegna faraldursins og leggja grunn fyrir öfluga viðspyrnu í kjölfar hans.

Tekjufallsstyrkjum er m.a. ætlað að styðja minni rekstraraðila sem starfa í menningar- og listgreinum, ferðaleiðsögumenn og aðra minni aðila í rekstri. Styrkirnir munu jafngilda rekstrarkostnaði (þ.m.t. reiknuðu endurgjaldi) á tímabilinu frá 1. apríl 2020 til 30. september 2020 en geta þó ekki orðið hærri en 400 þús. kr. fyrir hvert stöðugildi á mánuði hjá rekstraraðila á tímabilinu.“

Þetta er það sem samþykkt hefur verið, er þó ekki tilbúið til umsóknar

Stöðugildi verði skilgreint sem starfshlutfall er jafngildi fullu starfi launamanns í einn mánuð. Í þessu felst að einn launamaður getur í hæsta lagi jafngilt einu stöðugildi enda starfi hann í fullu starfi hjá rekstraraðila í heilan mánuð. Tveir launamenn í hálfu starfi í einn mánuð jafngilda samtals einu stöðugildi. Að sama skapi jafngildir launamaður sem starfar í heilu starfi hjá rekstraraðila hálfan mánuð 50% stöðugildi. Ekki verður talið að einn launamaður geti numið meira en einu stöðugildi í skilningi laganna enda þótt hann vinni í einum mánuði fullt starf auk yfirvinnu.

Með stöðugildi er átt við starfshlutfall sem jafngildir fullu starfi launamanns í einn mánuð, sbr. umfjöllun hér að framan um 3. gr. frumvarpsins. Því er ekki endilega samhengi á milli fjölda launamanna, sbr. lög um fjárstuðning við minni rekstraraðila vegna heimsfaraldurs kórónuveiru, nr. 38/2020, og fjölda stöðugilda. Rekstraraðili getur t.d. haft fimm launamenn en einungis tvö stöðugildi ef fjórir þeirra eru í 25% starfshlutfalli.

Það að tengja Rekstrarstyrki einungis við stöðugildi, hentar afar illa Ferðaþjónustuaðilum, sem að hafa sagt upp sínu starfsfólki og lokað tímabundið til að bíða af sér Covid. Við erum að tala um fyrirtæki sem að lifa af ferðamanninum og nú eins og allir vita, eru fáir eða bara engir ferðamenn. Það er því engin innkoma, en engu síður er enn þá ákveðinn rekstrakostnaður til staðar. Það sem að þessir aðilar þurfa er áframhaldandi frysting lána fram að opnun og einhverja fasta upphæð á mánuði til að þreyja Þorrann. Sem sagt fyrirgreiðslur hjá lánastofnunum og ákveðin styrk á mánuði fyrir föstum kostnaði. Hjá litlum aðilum og einyrkjum þarf það ekki að vera svo mikið, en engu síður kostar mikið að skulda, ef að ekkert kemur inn. Enn og aftur vil ég taka fram að þessu fólki er ekki um að kenna þessi faraldur, né eru þau ábyrg fyrir sóttvarnaraðgerðum Ríkisstjórnarinnar, sem að kemur hvað harðast niður á þessu fólki. Ríkið er fast í að hanna aðgerðir sem að henta ekki litlum fyrirtækjum og einyrkjum í ferðaþjónustu. Það er enginn vilji til að hlusta á þessa aðila, sem hafa þó unnið það starf að þarfagreina þessi fyrirtæki og einyrkja og afhent það Ríkisstjórninni með á þriðja hundrað undirskriftum lítilla rekstraraðila.

Fyrirtæki sem að þarf að hafa lokað, er í 100% tekjufalli, það kemur ekkert inn. Menn spyrja kannski, af hverju að hafa ekki opið þá? Svar: Það eru engir viðskiptavinir. Af hverju ertu þá að streða þetta, láttu þetta bara rúlla!  Jamm, en það þýðir gjaldþrot fyrir marga persónulega og var það ekki það sem menn töluðu um að forðast, að fólk missti allt sitt, heimili sín og afkomu. Við erum að tala um örfyrirtæki, einyrkja sem að eru í persónulegum ábyrgðum. Ríkið er ábyrgt fyrir þeim aðgerðum sem að rændu þetta fólk afkomunni. Það á rétt á bótum.  Taka ber fram að rekstrarstöðvunartryggingar sem sum að þessum fyrirtækjum borga fyrir dýrum dómum, dekka þetta ekki, þú getur ekki tryggt þitt fyrirtæki fyrir heimsfaraldri, frekar en náttúruhamförum. Þar er það alltaf ríkisstjórn hvers lands fyrir sig, sem á að axla þá ábyrgð, ekki einstaklingurinn, eða atvinnulífið eitt og sér.

ENN OG AFTUR – AÐGERÐIR FYRIR EINYRKJA OG LÍTIL FYRIRTÆKI SEM HJÁLPA ÞEIM Í GEGN UM COVID, FRAMUNDAN ERU BETRI TÍMAR, ÞANGAÐ TIL ÞURFUM VIÐ AÐ HALDA LÍFI.

 

 

 

Baráttuhópur smærri fyrirtækja og einyrkja í ferðaþjónustu sendir frá sér yfirlýsingu og kröfur.

Allt frá upphafi faraldursins hefur verið ljóst að þessir tímar myndu reyna verulega á fyrirtæki og einyrkja í ferðaþjónustu og nú á haustmánuðum hefur óvissan og úrræðaleysið aukist. Smærri fyrirtæki, oft fjölskyldufyrirtæki með fáu starfsfólki og einyrkjar hafa tekið sig saman og krefjast sértækra úrræða yfirvalda fyrir þessa gerð rekstrar.

 

Það er deginum ljósara að slíkra aðgerða er þörf til þess að styrkja þessa gerð rekstrar svo hann komist yfir erfiðasta hjallann, vernda þekkingu og láta þá gífurlegu uppbyggingarvinnu sem hefur átt sér stað síðustu ár ekki fara til spillis og því er eftirfarandi yfirlýsing send út:

 

„Í ljósi þess rekstrarvanda, sem fyrirtæki og einyrkjar í ferðaþjónustu standa frammi fyrir, vegna aðgerða stjórnvalda í kjölfar Covid-19, hafa ferðaþjónustuaðilar með smærri rekstur sameinað krafta sína til að vekja athygli stjórnvalda á að þörf er á að grípa til sértækra aðgerða til bjargar smærri fyrirtækjum og einyrkjum í ferðaþjónustu. Þessi fyrirtæki hafa frá því í byrjun orðið að beygja sig undir ákvarðanir stjórnvalda er varða Covid-19, allskonar lokanir og takmarkanir sem hafa haft veruleg áhrif á starfsemina, beint og óbeint og ýmist dregið verulega eða algjörlega úr möguleikum á að halda rekstrinum gangandi með tilheyrandi tekjutapi og í sumum tilvikum algjöru tekjufalli.

 

Í upphafi einblíndu stjórnvöld á miðlungsstóru og stóru fyrirtækin í ferðaþjónustu, enda ef litið er á tölurnar sést hvaða fyrirtæki hafa verið að nýta sér þessi úrræði. En betur má ef duga skal, þessi úrræði henta smærri fyrirtækjum og einyrkjum mjög takmarkað og sum þeirra alls ekki og lítið sem ekkert samtal hefur átt sér stað til þess að átta sig á þörfum viðkomandi og hvernig úrræðin nú hafa hentað og hvernig þau hafi nýst.

 

Okkur finnst við skilin útundan í aðgerðum stjórnvalda og finnst við hafa mætt skorti á skilningi hvað varðar alvarleika málsins. 80% ferðaþjónustufyrirtækja og einyrkja eru lítil eða meðalstór fyrirtæki og að stórum hluta úti á landsbyggðinni, það að veita þessum ferðaþjónustuaðilum aðstoð er því byggðamál. Afkoma sveitarfélaga og sjálfbærni þeirra er líka í húfi. Yfirleitt eru lítil staðbundin fyrirtæki í eigu heimamanna og oftar en ekki einu sjálfbæru einingarnar á svæðinu. Hagnaður verður eftir heima í héraði, aðföng og vinnuafl koma oftast úr héraði og skapar tekjur sem verða eftir heima í héraði. Uppbygging ferðaþjónustu hefur verið leið til að skapa fjölbreytt atvinnulíf um allt land, tengst nýsköpun og verndun og kynningu á menningararfi þjóðarinnar, ýmiskonar handverki, matargerðarlist og annarskonar menningu, innlendri og erlendri og listum, bæði fyrir innlenda og erlenda ferðamenn.

 

Ferðaþjónustan hefur einnig átt sitt þátt í því að efla menningarlíf og vellíðan fólks um allt land með því að brjóta upp hversdagsleikann með því að bjóða upp á fjölþætta afþreyingu. Bæði mannlíf og menningarverðmæti eru í húfi, því sé ekki stutt við ferðaþjónustuaðila á þessum tímum, hvað á að bjóða ferðafólki framtíðarinnar upp á þegar það birtist á ný og hvað á að gera við alla þá uppbyggingu sem hefur átt sér stað…en verður nú að engu sé ekkert að gert. En eins og staðan er núna, þá eru engir ferðamenn, hvorki innlendir né erlendir. Fólki er ráðlagt að halda sig heima og fara ekki á milli héraða, sökum veirunnar, svo að hún dreifi sér ekki um allt land og fyrirtæki sem hafa unnið að því hörðum höndum að byggja sig upp og auðga mannlíf landsins eru nú að niðurlotum komin, og það er ekki eins og ferðaþjónustuaðilar beri ábyrgð á stöðunni, okkur eru allar bjargir bannaðar. Undir þessu verður ekki setið mikið lengur.

 

Því miður hafa þau úrræði sem boðið hefur verið upp á ekki verið að virka sem skyldi, sérstaklega fyrir ferðaþjónustuaðila með smærri rekstur og skilið alltof marga eftir í úrræðaleysi. Það er líka of mikil óvissa með komandi úrræði svo við látum í okkur heyra og krefjumst samtals og úrræða sem henta þessu hópi, við erum jafn fjölbreytt og ferðaþjónustuaðilarnir eru margir og þarfirnar til þess að koma rekstrinum í gegnum þetta ástand eru margvíslegar, því þarf að horfa yfir stórasviðið og bjóða fjölbreyttari úrræði sem henta fleirum eigi ferðaþjónustan að geta viðhaldið mannauði og þekkingu svo hún geti tekið við sér þegar fer að birta til

 

Því skal þó haldið til haga að hér er ekki verið að gagnrýna sóttvarnaraðgerðir heldur hæg viðbrögð og úrræðaleysi stjórnvalda þegar kemur að ferðaþjónustuaðilum, sérstaklega þeim sem eru með smærri fyrirtæki og þeim sem eru einyrkjar.

 

Meðal aðgerða sem eru lagðar til eru:

 

1. Hraða aðgerðum, þörfin er núna. Það er ekki tími fyrir langar umræður og vangaveltur. Í dag eru fyrirtæki/einyrkjar í greiðsluvanda….ef aðgerðir fara ekki að komast í gagnið stöndum við frammi fyrir að fyrirtæki/einyrkjar lendi í djúpum skuldavanda.
2. Tekjufallsstyrkir séu háðir sem minnstum skilyrðum og allir eigi möguleika á að sækja um. Að tekjufallsstyrkir séu ekki bara bundnir við laun starfsmanna heldur séu engar hömlur á því hvernig styrknum er ráðstafað innan rekstrarins þannig það sé einnig hægt að greiða t.d. fastan kostnað (rekstrarkostnað). Tekjufallsstyrkir séu ekki háðir skerðingum og eða skattskyldir. Útvíkka starfsmannafjölda þannig að úrræðið nái til sem flestra og það sé frekar hugsað sem veltuprósenta en starfsmannafjöldi/starfsgildi. Að miðað sé við 31. mars þegar horft er til starfsmannafjölda og rekstur í eðlilegu horfi. Einnig þarf að horfa til fyrirtækja sem rekin eru á verktöku eins og mörg smærri fyrirtæki og geta þá ekki sýnt fram á eiginlegan launakostnað. En geta sannarlega sýnt fram á tekjufall.
3. Styrkjaleiðir frekar en lán og þá sé tryggt að styrkirnir nýtist, séu ekki skattskyldir og fyrri aðgerðir skerði þá að sem minnstu leyti, þ.e. að það að hafa nýtt sér fyrri aðgerðir bitni ekki á viðkomandi þegar kemur að seinni aðgerðum.
4. Lausnir fyrir fyrirtæki til að halda sér á floti í formi styrkja, t.d. að fyrirtækjum í ferðaþjónustu yrði gert kleift að loka rekstrinum í t.d. sex mánuði (fram á vor) eða svo lengi sem landamæraaðgerðir og sóttkvíarkrafa er viðvarandi, gegn mánaðarlegum lokunarstyrk sem miðaðist við t.d. lágmarks rekstrarkostnað viðkomandi fyrirtækis eða einhversskonar hlutfallslokunarstyrkjum. Ath. að mörg fyrirtæki eru með 1 starfsmann og í flestum tilviku er 1 starfsmanna eigandi og eigandi má ekki nýta sér t.d. uppsagnastyrkinn.
5. Hlutfallslokunartyrki sem koma til móts við skerta starfsemi vegna fjölda-, tíma- og fjarlægðatakmarkana og aðgerða á landamærum og tilheyrandi tekjutapi vegna þeirra, beint og óbeint.
6. Úrræði í fleiri flokkum t.d. eftir stærð og gerð rekstraraðila þannig að þau nýtist sem best - fyrirtækin/einyrkjarnir eru jafn mismunandi og með jafn mismunandi þarfir og þau eru mörg.
7. Endurskoðun á úthlutunarreglum fyrri aðgerða, en margar af þeim reglum útiloka smærri fyrirtæki og einyrkja, t.a.m. hvað varðar stuðningslán/brúarlán og uppsagnarstyrk t.d hvað varðar eiganda sem starfsmann. Aðlaga úrræðin að smærri fyrirtækjum með færra starfsfólki og einyrkjum. Taka út kröfur um 10% launahlutfall af rekstrarkostnaði í stuðningsláni þar sem mörg smærri fyrirtæki eru rekin með verktökum á álagstímum.
8. Stuðningslán eru til of skamms tíma. Setja þau upp sem þolinmótt fé, eitthvað í líkingu við hin nýtilkomnu hlutdeildarlán til fyrstu íbúðarkaupa. Einnig að stuðningslánin og brúarlánin séu endurgreidd með % af innkomu eftir að hlutirnir fara að rúlla.
9. Endurskoðun á hlutabótaleið, sem flestir eru þó að reyna að nýta sér, með tilliti til mismunandi þarfa. Þau fyrirtæki sem að geta ekki haldið opnu, lítil og meðalstór ferðaþjónustufyrirtæki á landsbyggðinni, geta illa nýtt sér hlutabótaleiðina og eigendur mega ekki nýta sér uppsagnarstyrki (Ath að mörg fyrirtæki eru með 1 starfsmann sem er eigandinn). Það eru engir viðskiptavinir og innkoma jafnvel engin og þrátt fyrir hlutabótaleið væri hún þá dýrari heldur en að hafa lokað.

• Einyrkjar og eigendur lítilla fyrirtækja sem hafa þurft að hætta rekstri vegna Covid19 fái allir fullan bótarétt til atvinnuleysisbóta.
• Áframhaldandi frystingu lána fyrir alla og kröfu um samvinnuvilja að hálfu bankanna.

12. Tímabundið afnám tryggingagjalda.

• Tímabundið afnám fasteignagjalda og ýmissa annarra gjalda sem hægt væri að afnema eða lækka, sem skilar sér í lægri leigu.
• Tímabundna niðurfellingu á dráttarvöxtum vegna skulda vegna opinberra gjalda.
• Tekið sérstakt tillit til fyrirtækja með stutta viðskiptasögu.
• Samræma aðgerðir á landamærum við önnur lönd, taka þátt í alþjóðasamfélaginu og setja reglur sem eru fyrirsjáanlegar leiðir

 

(Kröfulistinn er ekki tæmandi)

 

Við viljum einnig benda á að bak við þessa starfssemi er fólk sem að steig djörf skref til að skapa störf í sinni heimabyggð og verði þau skilin eftir í kuldanum, er það ekki hvati til framtíðar, fólk sem að lagði allt sitt undir, eigur og vinnuframlag, er afhent þeim sem allt eiga, á brunaútsölu.  Það er því mikið réttlætismál að þetta fólk fái hjálp og stuðning stjórnvalda, eins og um náttúruhamfarir væri að ræða, því hvað er þetta annað en hamfarir.

 

Vekjum athygli á hópnum SAMSTAÐA SMÆRRI FYRIRTÆKJA OG EINYRKJA Í FERÐAÞJÓNUSTU á Facebook, þar er vettvangur fyrir ferðaþjónustuaðila til umræðu um þessi mál og enn er hægt að skrá sig á listann.

 

Undir yfirlýsinguna skrifa 148 aðilar í rekstri smærri fyrirtækja og einyrkja

• Star Travel-Þúsund Stjörnur                ehf Akureyri             
• Bakland að Lágafelli                       Austur Landeyjar            
• Eldhúsferðir Cucina Travel                 Húnavatnshreppur        
• Eldstó ehf                                 Hvolsvelli            
• Arctic Shots ehf                           Hafnarfirði         
• South East ehf                             Hornafirði          
• Gistiheimilið Bitra - Árberg ehf           Flóahreppur      
• Iceland Unlimited                          Reykjavík
• Geo Travel                                 Mývatn
• Vogasjóferðir                              Suðurnes                                                                     
• Boreal ehf                                 Reykjavík           
• Tourguide ehf                              Reykjavík           
• Reykjanes guesthouse                       Reykjanes          
• Helgibrjotur ehf                           Hvolsvöllur        
• Icelandic Cottages                         Flóahreppur      
• Öfl ehf                                    Vestmannaeyjar             
• 1A guesthouse                              Flóahreppur      
• Arctic Fox Travel                          Akureyri             
• Ferðaþjónustan Hólmi                       Hornafirði          
• Amazing North                              Akureyri             
• LavaWater                                  Borgarnes          
• Gistiheimilið Lambastöðum                  Flóahreppur      
• Discover ehf                               Reykjavík           
• Green energy travel                        Reykjavík           
• Ferjuklettar ehf.                          Höfn í Hornafirði             
• Gistiheimilið Hof                          Snæfellsbær     
• Prestshús 2 sveitagisting                  Reynishverfi Mýrdal      
• IceAk ehf                                  Akureyri             
• Cabin & Art ehf                            Reykjanesbæ   
• Kartöflugeymslan-The Potato Storage        Öræfi   
• Hvammból Apartment                         Vík         
• Hestamiðstöðin Sólvangur                   Eyrarbakka        
• YourTransfer ehf                           Kópavogi            
• Trawire ehf                                Mosfellsbæ       
• Öndólfsstaðir farm Bed&Breakfast           Laugar  
• Cool Travel Iceland (Cool Inspiration ehf.) Kópavogur         
• Sponta ehf.                                Reykjavík           
• Fljótsbakki Farm Hotel                     Húsavík
• Ferðaþjónustan Vellir                      Vík         
• Fantastic Fjords ehf                       Suðureyri           
• HBBartels ehf / Travelling Iceland         Reykjavík           
• Djúpmynd ehf                               Ölfus    
• Stórinúpur ehf                             Öxarfirði             
• Mjóanes Accommodation                      Egilsstaðir           
• Fjórhjólaferðir Reykjavíkur ehf            Reykjavík           
• Guesthouse Dalbær                          Hrunamannahrepp        
• Ýma - Náttúrukönnun ehf                    Garðabæ            
• Rútuferðir ehf                             Grundarfirði      
• Kvíhólmi íbúðir                            Hvolsvöllur        
• Holtagisting ehf                           Grímsnes og Grafningshr.           
• ÓMARSIG slf - Ic iceland                   Reykjavík           
• Reykjavik erupts                           Reykjavik           
• Always Iceland                             Kópavour           
• Sportvík ehf                               Blönduós            
• Úlfhédinn slf                              Reykjavík           
• Direkt ehf                                 Mývatn
• Húsavík Green Hostel                       Húsavík
• is                                         Akureyri             
• Moonwalker ehf                             Reykjavík           
• Siggi Jack                                 Reykjavík           
• Auroratours ehf                            Garðabær          
• Saudanes ehf.                              Reykjavík           
• Hof í Vatnsdal                             Vatnsdal             
• Magical Iceland (Y B Arthursson ehf)       Reykjavík           
• Árnes ferðaþjónusta                        Skeiða- og Gnúpverjahr
• Ferðaakstur slf                            Reykjavík           
• Hundasleðar Íslands ehf                    Mosfellsbæ       
• Lukkutröll slf                             Reykjavík           
• Ferðaþjónusta Country Dream                Selfoss 
• Langhús horse                              Fljótum
• PuffinTravel                               Reykjavík           
• S&Aeignir                                  Akureyri             
• Steinaskjól ehf                            Akureyri             
• TripZig ehf                                Reyjavík              
• Afþreyingarhópinn ehf                      Mosfellsbæ       
• Allsgáðar Íslandsferðir ehf                Kópavogi            
• Halldór einyrki                            Reykjavík                                                                          
• Arabær holiday home                        Flóahreppur      
• Landmark kvikmyndagerð ehf                 Reykjavík           
• Stundafriður ehf                           Helgafellssveit 
• wide Open                                  Akureyri             
• Gistiheimilið Steindórsstöðum              Borgarbyggð     
• Tinna Adventure                            Breiðdalsvík      
• Silva hráfæði ehf                          Eyjafjarðarsveit
• Rauðuskriður                               Fljótshlíð            
• Arnarstakkur ehf Landscape Photography     Selfoss 
• Skarðás Country Cabins                     Egilsstaðir           
• Kraðak ehf                                 Kópavogur         
• Leikhópurinn Lotta                         Kópavogur         
• Skammidalur Gesthouse                      Vík         
• Iceland Personal Tours. Libius ehf         Reykjavík           
• Ultima Thule                               Reykjavík           
• Hótel Djúpavík                             Djúpavík             
• Sumarhús Katthamar                         Stykkishólmur  
• Panorama glass lodge ehf.                  Hella     
• Gimbur gistiheimili, Reykjarhóll ehf       Fljótum
• Ytra Lón Farm & Retrea                     Þórshöfn            
• Íslandshvíld ehf Lindartún guesthous       Hvolsvöllur        
• Apotek Guesthouse Höfn í                   Hornafirði             
• Ice Cave In Iceland ehf Höfn í             Hornafirði             
• Viking International Phototours ehf        Hafnarfirði         
• Arctic One ehf                             Akureyri             
• Imagine Iceland Travel                     Akureyri             
• Leiðsögn slf                               Reykjavík           
• Hákon Bjarnason ehf                        Reykjavík           
• This is Iceland ehf                        Hafnarfirði         
• Minniborgir Cottage                        Grímsnesi          
• Local Icelander ehf                        Höfn í Hornafirði             
• Absolute iceland                           Kòpavogur         
• Jópal ehf                                  Reykjavík           
• Wild rover ehf                             Reykjavík           
• Ferðaþjónustan Lýtingsstöðum               Varmahlíð          
• Central Guesthouse ehf                     Reykjavík           
• Selalækur Guesthouse                       Hella     
• is /AT Skoðunarferðir ehf                  Hafnarfirði         
• Fjallsárlón ehf                            Öræfum             
• Guðlaugur S. Sigurgeirsson ehf/Dalahyttur  Búðardalur        
• Iceland is niceland                        Reykjavík           
• Ferðaþjónustan Brúnastōðum ehf             Fljótum
• Hljómagangur ehf                           Reykjavík           
• Imagine Iceland ehf                        Reykjavík           
• Prospera ráðgjöf  Í.S. Ehf.                Garðabær                                                                          
• Extra mile                                 Reykjavík           
• LBferðir slf                               Hafnarfirði         
• Luxury of Iceland                          Hafnarfirði         
• Oak Travel Service ehf.                    Reykjavík           
• Atlandsflug ehf                            Kópavogi            
• Fjallaslóðir ehf                           Reykjavík           
• Dingull ehf                                Reykjavík           
• Fiskirannsóknir ehf                        Akureyri             
• Háfjall ehf Dynjandi Guesthouse            Hornafirði          
• extreme icelandic adventures               Akureyri             
• Dreamvoices ehf                            Reykjanesbær  
• Heimskauts skoðun.slf                      Akranes              
• M&T/ Iceland Highlights                    Reykjavík           
• kimpfler ehf - Hestaferðir                 Borgarnes          
• Sólheimahjáleiga gistihús                  Vík         
• Brú Guesthouse                             Hvolsvöllur        
• Hálsaból Sumarhús                          Grundarfirði      
• Litlu leyndarmálin/málarafjelagið ehf      Borgarnes          
• Gravel travel ehf                          Seltjarnarnes    
• Lyngheiði ehf                              Þykkvibær         
• Víðihvammur gisting ehf.                   Þykkvibær         
• Solstice Tours                             Reykjavík           
• Arnarstakkur ehf                           Selfossi
• Gistihúsið Lambastöðum                     Selfossi

 

Baráttuhópur smærri fyrirtækja og einyrkja í ferðaþjónustu sendir frá sér yfirlýsingu og kröfur.

Allt frá upphafi faraldursins hefur verið ljóst að þessir tímar myndu reyna verulega á fyrirtæki og einyrkja í ferðaþjónustu og nú á haustmánuðum hefur óvissan og úrræðaleysið aukist. Smærri fyrirtæki, oft fjölskyldufyrirtæki með fáu starfsfólki og einyrkjar hafa tekið sig saman og krefjast sértækra úrræða yfirvalda fyrir þessa gerð rekstrar.

 

Það er deginum ljósara að slíkra aðgerða er þörf til þess að styrkja þessa gerð rekstrar svo hann komist yfir erfiðasta hjallann, vernda þekkingu og láta þá gífurlegu uppbyggingarvinnu sem hefur átt sér stað síðustu ár ekki fara til spillis og því er eftirfarandi yfirlýsing send út:

 

„Í ljósi þess rekstrarvanda, sem fyrirtæki og einyrkjar í ferðaþjónustu standa frammi fyrir, vegna aðgerða stjórnvalda í kjölfar Covid-19, hafa ferðaþjónustuaðilar með smærri rekstur sameinað krafta sína til að vekja athygli stjórnvalda á að þörf er á að grípa til sértækra aðgerða til bjargar smærri fyrirtækjum og einyrkjum í ferðaþjónustu. Þessi fyrirtæki hafa frá því í byrjun orðið að beygja sig undir ákvarðanir stjórnvalda er varða Covid-19, allskonar lokanir og takmarkanir sem hafa haft veruleg áhrif á starfsemina, beint og óbeint og ýmist dregið verulega eða algjörlega úr möguleikum á að halda rekstrinum gangandi með tilheyrandi tekjutapi og í sumum tilvikum algjöru tekjufalli.

 

Í upphafi einblíndu stjórnvöld á miðlungsstóru og stóru fyrirtækin í ferðaþjónustu, enda ef litið er á tölurnar sést hvaða fyrirtæki hafa verið að nýta sér þessi úrræði. En betur má ef duga skal, þessi úrræði henta smærri fyrirtækjum og einyrkjum mjög takmarkað og sum þeirra alls ekki og lítið sem ekkert samtal hefur átt sér stað til þess að átta sig á þörfum viðkomandi og hvernig úrræðin nú hafa hentað og hvernig þau hafi nýst.

 

Okkur finnst við skilin útundan í aðgerðum stjórnvalda og finnst við hafa mætt skorti á skilningi hvað varðar alvarleika málsins. 80% ferðaþjónustufyrirtækja og einyrkja eru lítil eða meðalstór fyrirtæki og að stórum hluta úti á landsbyggðinni, það að veita þessum ferðaþjónustuaðilum aðstoð er því byggðamál. Afkoma sveitarfélaga og sjálfbærni þeirra er líka í húfi. Yfirleitt eru lítil staðbundin fyrirtæki í eigu heimamanna og oftar en ekki einu sjálfbæru einingarnar á svæðinu. Hagnaður verður eftir heima í héraði, aðföng og vinnuafl koma oftast úr héraði og skapar tekjur sem verða eftir heima í héraði. Uppbygging ferðaþjónustu hefur verið leið til að skapa fjölbreytt atvinnulíf um allt land, tengst nýsköpun og verndun og kynningu á menningararfi þjóðarinnar, ýmiskonar handverki, matargerðarlist og annarskonar menningu, innlendri og erlendri og listum, bæði fyrir innlenda og erlenda ferðamenn.

 

Ferðaþjónustan hefur einnig átt sitt þátt í því að efla menningarlíf og vellíðan fólks um allt land með því að brjóta upp hversdagsleikann með því að bjóða upp á fjölþætta afþreyingu. Bæði mannlíf og menningarverðmæti eru í húfi, því sé ekki stutt við ferðaþjónustuaðila á þessum tímum, hvað á að bjóða ferðafólki framtíðarinnar upp á þegar það birtist á ný og hvað á að gera við alla þá uppbyggingu sem hefur átt sér stað…en verður nú að engu sé ekkert að gert. En eins og staðan er núna, þá eru engir ferðamenn, hvorki innlendir né erlendir. Fólki er ráðlagt að halda sig heima og fara ekki á milli héraða, sökum veirunnar, svo að hún dreifi sér ekki um allt land og fyrirtæki sem hafa unnið að því hörðum höndum að byggja sig upp og auðga mannlíf landsins eru nú að niðurlotum komin, og það er ekki eins og ferðaþjónustuaðilar beri ábyrgð á stöðunni, okkur eru allar bjargir bannaðar. Undir þessu verður ekki setið mikið lengur.

 

Því miður hafa þau úrræði sem boðið hefur verið upp á ekki verið að virka sem skyldi, sérstaklega fyrir ferðaþjónustuaðila með smærri rekstur og skilið alltof marga eftir í úrræðaleysi. Það er líka of mikil óvissa með komandi úrræði svo við látum í okkur heyra og krefjumst samtals og úrræða sem henta þessu hópi, við erum jafn fjölbreytt og ferðaþjónustuaðilarnir eru margir og þarfirnar til þess að koma rekstrinum í gegnum þetta ástand eru margvíslegar, því þarf að horfa yfir stórasviðið og bjóða fjölbreyttari úrræði sem henta fleirum eigi ferðaþjónustan að geta viðhaldið mannauði og þekkingu svo hún geti tekið við sér þegar fer að birta til

 

Því skal þó haldið til haga að hér er ekki verið að gagnrýna sóttvarnaraðgerðir heldur hæg viðbrögð og úrræðaleysi stjórnvalda þegar kemur að ferðaþjónustuaðilum, sérstaklega þeim sem eru með smærri fyrirtæki og þeim sem eru einyrkjar.

 

Meðal aðgerða sem eru lagðar til eru:

 

1. Hraða aðgerðum, þörfin er núna. Það er ekki tími fyrir langar umræður og vangaveltur. Í dag eru fyrirtæki/einyrkjar í greiðsluvanda….ef aðgerðir fara ekki að komast í gagnið stöndum við frammi fyrir að fyrirtæki/einyrkjar lendi í djúpum skuldavanda.
2. Tekjufallsstyrkir séu háðir sem minnstum skilyrðum og allir eigi möguleika á að sækja um. Að tekjufallsstyrkir séu ekki bara bundnir við laun starfsmanna heldur séu engar hömlur á því hvernig styrknum er ráðstafað innan rekstrarins þannig það sé einnig hægt að greiða t.d. fastan kostnað (rekstrarkostnað). Tekjufallsstyrkir séu ekki háðir skerðingum og eða skattskyldir. Útvíkka starfsmannafjölda þannig að úrræðið nái til sem flestra og það sé frekar hugsað sem veltuprósenta en starfsmannafjöldi/starfsgildi. Að miðað sé við 31. mars þegar horft er til starfsmannafjölda og rekstur í eðlilegu horfi. Einnig þarf að horfa til fyrirtækja sem rekin eru á verktöku eins og mörg smærri fyrirtæki og geta þá ekki sýnt fram á eiginlegan launakostnað. En geta sannarlega sýnt fram á tekjufall.
3. Styrkjaleiðir frekar en lán og þá sé tryggt að styrkirnir nýtist, séu ekki skattskyldir og fyrri aðgerðir skerði þá að sem minnstu leyti, þ.e. að það að hafa nýtt sér fyrri aðgerðir bitni ekki á viðkomandi þegar kemur að seinni aðgerðum.
4. Lausnir fyrir fyrirtæki til að halda sér á floti í formi styrkja, t.d. að fyrirtækjum í ferðaþjónustu yrði gert kleift að loka rekstrinum í t.d. sex mánuði (fram á vor) eða svo lengi sem landamæraaðgerðir og sóttkvíarkrafa er viðvarandi, gegn mánaðarlegum lokunarstyrk sem miðaðist við t.d. lágmarks rekstrarkostnað viðkomandi fyrirtækis eða einhversskonar hlutfallslokunarstyrkjum. Ath. að mörg fyrirtæki eru með 1 starfsmann og í flestum tilviku er 1 starfsmanna eigandi og eigandi má ekki nýta sér t.d. uppsagnastyrkinn.
5. Hlutfallslokunartyrki sem koma til móts við skerta starfsemi vegna fjölda-, tíma- og fjarlægðatakmarkana og aðgerða á landamærum og tilheyrandi tekjutapi vegna þeirra, beint og óbeint.
6. Úrræði í fleiri flokkum t.d. eftir stærð og gerð rekstraraðila þannig að þau nýtist sem best - fyrirtækin/einyrkjarnir eru jafn mismunandi og með jafn mismunandi þarfir og þau eru mörg.
7. Endurskoðun á úthlutunarreglum fyrri aðgerða, en margar af þeim reglum útiloka smærri fyrirtæki og einyrkja, t.a.m. hvað varðar stuðningslán/brúarlán og uppsagnarstyrk t.d hvað varðar eiganda sem starfsmann. Aðlaga úrræðin að smærri fyrirtækjum með færra starfsfólki og einyrkjum. Taka út kröfur um 10% launahlutfall af rekstrarkostnaði í stuðningsláni þar sem mörg smærri fyrirtæki eru rekin með verktökum á álagstímum.
8. Stuðningslán eru til of skamms tíma. Setja þau upp sem þolinmótt fé, eitthvað í líkingu við hin nýtilkomnu hlutdeildarlán til fyrstu íbúðarkaupa. Einnig að stuðningslánin og brúarlánin séu endurgreidd með % af innkomu eftir að hlutirnir fara að rúlla.
9. Endurskoðun á hlutabótaleið, sem flestir eru þó að reyna að nýta sér, með tilliti til mismunandi þarfa. Þau fyrirtæki sem að geta ekki haldið opnu, lítil og meðalstór ferðaþjónustufyrirtæki á landsbyggðinni, geta illa nýtt sér hlutabótaleiðina og eigendur mega ekki nýta sér uppsagnarstyrki (Ath að mörg fyrirtæki eru með 1 starfsmann sem er eigandinn). Það eru engir viðskiptavinir og innkoma jafnvel engin og þrátt fyrir hlutabótaleið væri hún þá dýrari heldur en að hafa lokað.

• Einyrkjar og eigendur lítilla fyrirtækja sem hafa þurft að hætta rekstri vegna Covid19 fái allir fullan bótarétt til atvinnuleysisbóta.
• Áframhaldandi frystingu lána fyrir alla og kröfu um samvinnuvilja að hálfu bankanna.

12. Tímabundið afnám tryggingagjalda.

• Tímabundið afnám fasteignagjalda og ýmissa annarra gjalda sem hægt væri að afnema eða lækka, sem skilar sér í lægri leigu.
• Tímabundna niðurfellingu á dráttarvöxtum vegna skulda vegna opinberra gjalda.
• Tekið sérstakt tillit til fyrirtækja með stutta viðskiptasögu.
• Samræma aðgerðir á landamærum við önnur lönd, taka þátt í alþjóðasamfélaginu og setja reglur sem eru fyrirsjáanlegar leiðir

 

(Kröfulistinn er ekki tæmandi)

 

Viðauki = Við viljum einnig benda á að bak við þessa starfssemi er fólk sem að steig djörf skref til að skapa störf í sinni heimabyggð og verði þau skilin eftir í kuldanum, er það ekki hvati til framtíðar, fólk sem að lagði allt sitt undir, eigur og vinnuframlag, er afhent þeim sem allt eiga, á brunaútsölu.  Það er því mikið réttlætismál að þetta fólk fái hjálp og stuðning stjórnvalda, eins og um náttúruhamfarir væri að ræða, því hvað er þetta annað en hamfarir.

 

Vekjum athygli á hópnum SAMSTAÐA SMÆRRI FYRIRTÆKJA OG EINYRKJA Í FERÐAÞJÓNUSTU á Facebook, þar er vettvangur fyrir ferðaþjónustuaðila til umræðu um þessi mál og enn er hægt að skrá sig á listann.

 

Undir yfirlýsinguna skrifa 147 aðilar í rekstri smærri fyrirtækja og einyrkja

• Star Travel-Þúsund Stjörnur                ehf Akureyri             
• Bakland að Lágafelli                       Austur Landeyjar            
• Eldhúsferðir Cucina Travel                 Húnavatnshreppur        
• Eldstó ehf                                 Hvolsvelli            
• Arctic Shots ehf                           Hafnarfirði         
• South East ehf                             Hornafirði          
• Gistiheimilið Bitra - Árberg ehf           Flóahreppur      
• Iceland Unlimited                          Reykjavík
• Geo Travel                                 Mývatn
• Vogasjóferðir                              Suðurnes                                                                     
• Boreal ehf                                 Reykjavík           
• Tourguide ehf                              Reykjavík           
• Reykjanes guesthouse                       Reykjanes          
• Helgibrjotur ehf                           Hvolsvöllur        
• Icelandic Cottages                         Flóahreppur      
• Öfl ehf                                    Vestmannaeyjar             
• 1A guesthouse                              Flóahreppur      
• Arctic Fox Travel                          Akureyri             
• Ferðaþjónustan Hólmi                       Hornafirði          
• Amazing North                              Akureyri             
• LavaWater                                  Borgarnes          
• Gistiheimilið Lambastöðum                  Flóahreppur      
• Discover ehf                               Reykjavík           
• Green energy travel                        Reykjavík           
• Ferjuklettar ehf.                          Höfn í Hornafirði             
• Gistiheimilið Hof                          Snæfellsbær     
• Prestshús 2 sveitagisting                  Reynishverfi Mýrdal      
• IceAk ehf                                  Akureyri             
• Cabin & Art ehf                            Reykjanesbæ   
• Kartöflugeymslan-The Potato Storage        Öræfi   
• Hvammból Apartment                         Vík         
• Hestamiðstöðin Sólvangur                   Eyrarbakka        
• YourTransfer ehf                           Kópavogi            
• Trawire ehf                                Mosfellsbæ       
• Öndólfsstaðir farm Bed&Breakfast           Laugar  
• Cool Travel Iceland (Cool Inspiration ehf.) Kópavogur         
• Sponta ehf.                                Reykjavík           
• Fljótsbakki Farm Hotel                     Húsavík
• Ferðaþjónustan Vellir                      Vík         
• Fantastic Fjords ehf                       Suðureyri           
• HBBartels ehf / Travelling Iceland         Reykjavík           
• Djúpmynd ehf                               Ölfus    
• Stórinúpur ehf                             Öxarfirði             
• Mjóanes Accommodation                      Egilsstaðir           
• Fjórhjólaferðir Reykjavíkur ehf            Reykjavík           
• Guesthouse Dalbær                          Hrunamannahrepp        
• Ýma - Náttúrukönnun ehf                    Garðabæ            
• Rútuferðir ehf                             Grundarfirði      
• Kvíhólmi íbúðir                            Hvolsvöllur        
• Holtagisting ehf                           Grímsnes og Grafningshr.           
• ÓMARSIG slf - Ic iceland                   Reykjavík           
• Reykjavik erupts                           Reykjavik           
• Always Iceland                             Kópavour           
• Sportvík ehf                               Blönduós            
• Úlfhédinn slf                              Reykjavík           
• Direkt ehf                                 Mývatn
• Húsavík Green Hostel                       Húsavík
• is                                         Akureyri             
• Moonwalker ehf                             Reykjavík           
• Siggi Jack                                 Reykjavík           
• Auroratours ehf                            Garðabær          
• Saudanes ehf.                              Reykjavík           
• Hof í Vatnsdal                             Vatnsdal             
• Magical Iceland (Y B Arthursson ehf)       Reykjavík           
• Árnes ferðaþjónusta                        Skeiða- og Gnúpverjahr
• Ferðaakstur slf                            Reykjavík           
• Hundasleðar Íslands ehf                    Mosfellsbæ       
• Lukkutröll slf                             Reykjavík           
• Ferðaþjónusta Country Dream                Selfoss 
• Langhús horse                              Fljótum
• PuffinTravel                               Reykjavík           
• S&Aeignir                                  Akureyri             
• Steinaskjól ehf                            Akureyri             
• TripZig ehf                                Reyjavík              
• Afþreyingarhópinn ehf                      Mosfellsbæ       
• Allsgáðar Íslandsferðir ehf                Kópavogi            
• Halldór einyrki                            Reykjavík                                                                          
• Arabær holiday home                        Flóahreppur      
• Landmark kvikmyndagerð ehf                 Reykjavík           
• Stundafriður ehf                           Helgafellssveit 
• wide Open                                  Akureyri             
• Gistiheimilið Steindórsstöðum              Borgarbyggð     
• Tinna Adventure                            Breiðdalsvík      
• Silva hráfæði ehf                          Eyjafjarðarsveit
• Rauðuskriður                               Fljótshlíð            
• Arnarstakkur ehf Landscape Photography     Selfoss 
• Skarðás Country Cabins                     Egilsstaðir           
• Kraðak ehf                                 Kópavogur         
• Leikhópurinn Lotta                         Kópavogur         
• Skammidalur Gesthouse                      Vík         
• Iceland Personal Tours. Libius ehf         Reykjavík           
• Ultima Thule                               Reykjavík           
• Hótel Djúpavík                             Djúpavík             
• Sumarhús Katthamar                         Stykkishólmur  
• Panorama glass lodge ehf.                  Hella     
• Gimbur gistiheimili, Reykjarhóll ehf       Fljótum
• Ytra Lón Farm & Retrea                     Þórshöfn            
• Íslandshvíld ehf Lindartún guesthous       Hvolsvöllur        
• Apotek Guesthouse Höfn í                   Hornafirði             
• Ice Cave In Iceland ehf Höfn í             Hornafirði             
• Viking International Phototours ehf        Hafnarfirði         
• Arctic One ehf                             Akureyri             
• Imagine Iceland Travel                     Akureyri             
• Leiðsögn slf                               Reykjavík           
• Hákon Bjarnason ehf                        Reykjavík           
• This is Iceland ehf                        Hafnarfirði         
• Minniborgir Cottage                        Grímsnesi          
• Local Icelander ehf                        Höfn í Hornafirði             
• Absolute iceland                           Kòpavogur         
• Jópal ehf                                  Reykjavík           
• Wild rover ehf                             Reykjavík           
• Ferðaþjónustan Lýtingsstöðum               Varmahlíð          
• Central Guesthouse ehf                     Reykjavík           
• Selalækur Guesthouse                       Hella     
• is /AT Skoðunarferðir ehf                  Hafnarfirði         
• Fjallsárlón ehf                            Öræfum             
• Guðlaugur S. Sigurgeirsson ehf/Dalahyttur  Búðardalur        
• Iceland is niceland                        Reykjavík           
• Ferðaþjónustan Brúnastōðum ehf             Fljótum
• Hljómagangur ehf                           Reykjavík           
• Imagine Iceland ehf                        Reykjavík           
• Prospera ráðgjöf  Í.S. Ehf.                Garðabær                                                                          
• Extra mile                                 Reykjavík           
• LBferðir slf                               Hafnarfirði         
• Luxury of Iceland                          Hafnarfirði         
• Oak Travel Service ehf.                    Reykjavík           
• Atlandsflug ehf                            Kópavogi            
• Fjallaslóðir ehf                           Reykjavík           
• Dingull ehf                                Reykjavík           
• Fiskirannsóknir ehf                        Akureyri             
• Háfjall ehf Dynjandi Guesthouse            Hornafirði          
• extreme icelandic adventures               Akureyri             
• Dreamvoices ehf                            Reykjanesbær  
• Heimskauts skoðun.slf                      Akranes              
• M&T/ Iceland Highlights                    Reykjavík           
• kimpfler ehf - Hestaferðir                 Borgarnes          
• Sólheimahjáleiga gistihús                  Vík         
• Brú Guesthouse                             Hvolsvöllur        
• Hálsaból Sumarhús                          Grundarfirði      
• Litlu leyndarmálin/málarafjelagið ehf      Borgarnes          
• Gravel travel ehf                          Seltjarnarnes    
• Lyngheiði ehf                              Þykkvibær         
• Víðihvammur gisting ehf.                   Þykkvibær         
• Solstice Tours                             Reykjavík           
• Arnarstakkur ehf                           Selfossi

 

Stórfelld eignaupptaka í boði Stjórnvalda

Það lítur út fyrir að stefnt sé í stórfellda eignaupptöku í boði Stjórnvalda. Aðgerðir til hjápar fyrirtækjum í rekstrarvanda vegna sóttvarna eru ómarkvissar og ekki er horft til framtíðar, heldur hafa þær aðgerðir verið plástur á svöðusár.

Ber þar að nefna "stuðningslánið" sem er skammtímalán og var strax fyrirséð að ekki væri hægt að greiða til baka á þeim skilmálum sem uppsett er. Engu síður neyddustu rekstraraðilar að nýta sér þau, þar sem að fjármálastofnanir hafa sett lás á annarskonar útlán til fyrirtækja í þessum mikla og ófyrirséða vanda. Stuðningslánið hefði átt að vera upp sett sem þolinmótt fé, eitthvað í líkingu við hin nýtilkomnu hlutdeildarlán til fyrstu íbúðarkaupa. 

Í seinni bylgju faraldurs virðist lítið sem ekkert að frétta. Þau fyrirtæki sem að geta ekki haldið opnu, lítil og meðalstór ferðaþjónustufyrirtæki á landsbyggðinni, geta illa nýtt sér hlutabótaleiðina. Það eru engir viðskiptavinir og þrátt fyrir hlutabótaleið væri hún þá dýrari heldur en að hafa lokað. Af hverju eru ekki viðskiptavinir, vegna sóttvarna sem ríkið stendur fyrir. 

Þær tryggingar sem að fyrirtækin hafa virka bara ekki, rekstrarstöðvunartryggingu er ekki hægt að kaupa fyrir slíkum aðgerðum og hver er þá ábyrgur. Eru stjórnvöld, Ríkið, ekki þeir sem eiga að hafa samfélagslega ábyrgð, eru það smáfyrirtæki sem eiga að bera slíka ábyrgð?

Við hjónin höfum í 16 ár verið að byggja upp okkar fyrirtæki á landsbyggðinni og erum ekki bóla sem að spratt upp vegna ofurtúristma. Engu síður höfum við þurft að fara í fjárfestingar til að mæta ferðamannastrauminum, til að geta þjónustað betur. Allt okkar er undir, við eigum enga feitar innistæður á Tortúla, við erum bara venjulegt fólk.

Um allt land er bara fólk sem að hefur haft af ferðaþjónustunni sitt lífsviðurværi, lagt hart að sér og unnið mikið. Þetta er ekki gullgröftur, bara svona líf, sjálfstæður atvinnurekstur, ekkert meira, ekkert flókið. Fólk sem að hefur haft kjark og þor og lagt allt sitt undir. Ekki neitt fjárhættuspil, heldur leið til að skapa fjölbreytt atvinnulíf um allt land. Hver bjóst við þessu, jú, Þórólfur kannski, en var þetta í umræðunni fyrir Covid, að þetta væri eitthvað sem almenningur ætti að vera viðbúinn fyrir. Eitthvað sem við ættum að tryggja okkur fyrir, en eins og áður er getið, þá eru ekki slíkar tryggingar í boði. Ef þetta væru náttúruhamfarir, þá væri það "Hamfarasjóður" sem að við gætum gert kröfu á um bætur, en menn forðast það sem heitan eldinn að kalla þetta "hamfarir" en þetta er "Alheims hamfara-farsótt" 

Því vil ég kalla Ríkið til ábyrgðar með að mæta ferðaþjónustufyrirtækjum og þeim fyrirtækjum sem verst hafa farið vegna sóttvarnaráðstafanna, að tala við okkur. Það eru fréttir mörgum sinnum á dag um Covid 19, um fjölda smita og þann vanda sem þar er, en ekkert að frétta um hvernig á að mæta okkar vanda. Við erum líka fólk og ég neita að trúa því að við eigum engan rétt til bóta. 

Aðgerðaleysi Stjórnvalda mun kosta mörg lítil og meðalstór fyrirtæki lífið

Það er með ólíkindum hvað Stjórnvöld bregðast seint og illa við vanda fyrirtækja á tímum Covid 19. Ef ekki væri fyrir atvinnulífið, þá væri Ríkissjóður ekki til, atvinnulífið er mjólkur-kúin, en hana á bara að svelta heilu hungri. 

80% ferðaþjónustufyrirtækja eru lítil eða meðalstór fyrirtæki og að stórum hluta úti á landsbyggðinni. Eins og staðan er núna, þá eru engir ferðamenn, hvorki innlendir né erlendir. Fólki er ráðlagt að halda sig í höfuðborginni, sökum veirunnar, svo að hún dreifi sér ekki um allt land. 

Einu tillögurnar sem ég hef heyrt um er að styrkja eigi fyrirtækin uppí launakostnað - en hvað um þau sem hafa þurft að skella í lás og sagt upp sínu fólki, með það í huga að endurráða þegar hægt er að hefja starfsemi að nýju?

Hvað með áframhaldandi frystingu lána, það úrræði var alltof stutt - þessi lán duttu aftur inn núna í október, þegar að faraldurinn er í veldisvexti. Ekki er minnst á þau. Sjálf hef ég sótt um áframhaldandi frystingu fram á næsta sumar, en bankinn vill fá rekstraráætlun fyrir 2020 - 2022, hvernig á að gera slíka áætlun í þessu árferði?

Og ástæðan fyrir þeirri kröfu er sú, að yfirvöld hafa ekki farið þess á leit við fjármálastofnanir að framkvæma slíkar frystingar áframhaldandi þar til að sést til lands. Ekkert er talað um að koma lífvænlegum fyrirtækjum í skuldaskjól. Er stefnan þá eignaupptaka???

Það er deginum ljósara að þessi vetur verður ákaflega þungur fyrir ferðaþjónustuaðila, sem og stóran hluta atvinnulífsins í landinu og atvinnuleysi mun aukast enn meir. Ef ekki á að hjálpa fyrirtækjunum til að lifa af veturinn, mun það seinka batanum þegar að storminn lægir. 

Ég kalla eftir raunhæfum aðgerðum fyrir ferðaþjónustuaðila, frystingu lána, að stuðningsláni verði breytt í styrk, ef ekki, þá í þolinmótt fé, lán sem að svipar til hlutdeildarlána sem samþykkt voru á Alþingi á dögunum. Nógu verður íþyngjandi að komast uppúr þessari kreppu, en að eigi að borga til baka þessi stuðningslán á einu ári, eins og þau eru uppsett núna, eiga að vera að fullu uppgreidd á tveimur og hálfu ári. Þarna er Ríkisábyrgðin fyrir fjármálastofnanirnar, en ekki fyrirtækin, bara gálgafrestur, eins og taka eigi fyrirtækin niður eitt af öðru eftir hentisemi þeirra sem valdið hafa. 

Hvar eru efndirnar um alla hjálparpakkana sem að átti að hafa klára, eftir því hvernig framvinda faraldursins yrði. Þetta eru hamfarir á heimsvísu, eiga lítil og meðalstór fyrirtæki að axla ábyrgðina ein af þessum hamförum, erum við ein ábyrg?

Ekki búið að opna fyrir umsóknir stuðningslána og brúarlána vegna Covid 19

Ég verð að segja að ég er orðin langeyg eftir úrræðin sem að kynnt voru til stuðnings fyrirtækjum í ferðaþjónustu verði virk til umsóknar. Ekki að ég sé svona spennt fyrir meiri skuldsetningu, en ég þarf að geta greitt fastan kostnað sem að fellur til mánaðarlega og tekjufall 100%. 

Við erum að gera okkur klár í að opna fyrir sumarið, en framtíðin er óljós og þrátt fyrir að opnað verði fyrir komu ferðamanna að einhverju leiti, þá er allveg ljóst að það mun taka tíma að komu öllu í samt horf. Ég er bjartsýnis-manneskja að eðlisfari, en sem fyrirtækja eigandi verð ég að vera raunsæ og án loftkastala hugmynda. 

Heimurinn þjáist ennþá af þessum sjúkdómi og fólk er ennþá að deyja vegna hans. Ekki er komið bóluefni á markaðinn, þannig að hvernig sjáum við fyrir okkur að þetta verði. Það er langt frá því að við sjáum vel til lands hvað verður í nánustu framtíð. 

Við sem stöndum í rekstri erum gjarnan beðin um sviðsmynd af því sem við væntum í innkomu - að gera markaðs-og rekstraráætlun til einhverra ára í senn. Ég sé ekki fyrir mér að ferðaþjónustan geti á innan við þremur árum borgað til baka þau lán sem okkur eru boðin, vegna Covid 19, það er allveg fráleitt. Eins er allveg fráleitt að ætla að 6 mánaða frysting á lánum fyrirtækja í slíkum rekstri sé nóg, til þess er þetta allt of mikið tjón. Er til of mikils ætlað að stjórnvöld skilji það. Það er verið að biðja okkur um loftkastala-rekstraáætlun, en ekki raunsæa áætlun sem að virkar. 

Er ekki mál til komið að kynna fleiri björgunar-pakka, já björgunar-pakka sem að virka. 

 

Bréf ti Ferðamálaráðherra "Eigum við að taka á okkur allar skuldbindingar vegna Covid 19"

Bréf til ferðamálaráðherra Þórdísi Kolbrúnu - endilega deilið þessu, sem hafa áhuga á að ferðaþjónustan lifi af þessar hremmingar

 

Sæl Þórdís. Helga heiti ég og rek, ásamt eiginmanni mínum Eldstó Art Café á Hvolsvelli

 

Ég verð að segja að mér þykja aðgerðir sem ættlaðar eru til stuðnigs fyrirtækjum í ferðaþjónustu koma á hraða snigilsins. Ég er rétt að byrja að undirrita vegna frystinga á lánum fyrirtækisins, sem að ég sótti um frystingu á strax í marz. Ekki hef ég getað sótt eina krónu í lausafjármagn hjá bönkunum, sem að halda þétt að sér höndunum á meðan beðið er eftir Ríkisábyrgðinni þeim til handa.

 

Eins vekur það furðu mína að ekki séu neinar sértækar aðgerðir ætlaðar ferðaþjónustu aðilum, sem að þó öðrum fremur fara mjög illa út í þessum faraldri, en fyrirtæki eins og t.d. hárgreiðslustofur og snyrtistofur geta sótt um styrki vegna lokunar sem þær voru skikkaðar í af stjórnvöldum, en munu koma inn núna af tvöföldu afli, samaber að ég verð að bíða í meira en viku til að komast að hjá minni hárgreiðslustofu. Því má deila um hvort þessi fyrirtæki hafi orðið fyrir verulegu tekjutapi.

 

Þessi fyrirtæki eru ekki háð ferðamönnum að neinu verulegu leiti, ég hef enga trú á því. Öðru gegnir um ferðaþjónustuaðila. Ég verð að segja að mér finnst það vera hlutverk Ríkisins öðrum fremur að bæta okkur þann mikla skaða sem að hlýst af þessari vá, sem eru hamfarir á heimsvísu, en ekki hagsveifla af manna völdum, nema kannski ef að þessi vírus var skapaður á tilraunastofu???

 

Það sem að okkur ferðaþjónustuaðilum er boðið uppá er meiri skuldsetning og það á fyrirtæki sem að eru skuldsett fyrir - sum verulega mikið. Það er enginn afsláttur gefinn af neinu, einungis frestur, sem er alls ekki nægilega langur. Sex mánaða frysting hefur lítið að segja - þar sem að vitað er að þetta mun taka lengri tíma en svo.

 

Ég vil skora á Stjórnvöld að gera betur, já mun betur, við eigum það svo sannarlega skilið, því að ferðaþjónustan hefur mokað inn fé í Ríkis-kassann og getur Ríkið þakkað okkur hve hár gjaldeyrisforði þess er orðinn, en það var ekki raunin í síðustu kreppu, þegar að fjármálakerfið, bankarnir voru á góðri leið með að gera þjóðina gjaldþrota.

 

Samt sem áður á enn og aftur á að setja bæði axlabönd og belti á bankana, með því að bjóða þeim Ríkisábyrgð, en litli maðurinn ber KROSSINN. Því Ríkisábyrgðin er fyrir bankana, en ekki okkur. Hvað gerist ef við getum ekki borgað til baka þær skuldir sem verða til vegna Covid 19? Fæ ég afskrfiaðar mína skuldir sem bera Ríkisábyrgðina, eða eru það bara bankarnir sem fylla sína reikninga af fé Ríkisins. Hvers vegna þeir, frekar en við, afhverju ekki að styrkja ferðaþjónustu aðlia með beinum styrkjum, ef að þið ætlið hvorð eð er að taka alla ábyrgð á þessu? Hvers vegna megum við ekki lifa? Er okkar framlag í uppbyggingu á þessari atvinnugrein ekki meira metin en svo, að það eru bara orðin tóm?

 

Kveðja - G.Helga Ingadóttir

 

P.S. Hef ekki fengið nein svör, hvorki frá Þórdísi eða Bjarna Ben, en ég sendi á hann líka